Wythnos Arweinwyr Digidol 2024 14eg - 18fed Hydref

Beth yw Wythnos Arweinwyr Digidol?  

P'un a ydych chi'n weithiwr digidol proffesiynol profiadol neu ar gychwyn eich gyrfa, mae gan Wythnos Arweinwyr Digidol y DU rywbeth i bawb. Bydd yr wythnos yn cynnwys trafodaethau ar amrywiaeth o bynciau, gan gynnwys Cynhwysiant Digidol, Sero Net, Tuedd a Moeseg, a Deallusrwydd Artiffisial er Budd. Mae holl sesiynau am ddim a gellir eu mynychu'n fyw neu eu gwylio wedyn. Mae Llywodraeth Cymru hefyd yn bartner y digwyddiad. 

Pryd a ble?  

Mae'r digwyddiad yn cynnwys cyfuniad o gynadleddau mewn person a chyflwyniadau ar-lein. Gallwch weld amserlen gyflawn yr wythnos ar eu gwefan. Mae'r sesiynau'n amrywio o 30 munud i awr.  

Pam ddylai Sefydliadau Trydydd Sector Cymru fynychu?  

Gyda chyfraniadau gan dros 150 o siaradwyr arbenigol yn cynrychioli’r sector cyhoeddus, busnesau, elusennau, a'r byd academaidd, mae’n gyfle gwych i Sefydliadau Trydydd Sector ymgysylltu ag arweinwyr digidol sydd yn dylanwadu ar ddyfodol technoleg ddigidol. Mae'n hanfodol cael cynrychiolaeth o Drydydd Sector Cymru mewn sgyrsiau am ddigidol er mwyn helpu datblygu galluoedd digidol y sector.  

Pa sgyrsiau sydd yn digwydd? 

• Mapio effaith: Sut i fesur effaith eich gwasanaeth 
• Defnyddwyr yn arwain go iawn: Sut mae ein defnyddwyr yn llywio ein trawsnewidiad digidol ym Mhrifysgol Caerwysg  
• Llywio Eich Taith Trawsnewid Ddigidol  
• Grymuso Pobl: Rôl hollbwysig Llythrennedd Digidol yn y gweithle modern  
• Data ac AI i Sbarduno Arloesedd 
• Cyd-gynllunio llwyfan cyngor gyrfaoedd gyda phobl ifanc yn yr Alban  
• Anabledd, Iaith a Chynllunio Cynhwysol  
• Dylunio ar gyfer Llwyddiant: Pwysigrwydd adeiladu a chynnal diwylliant yn eich sefydliadau o gynllunio sydd yn canolbwyntio ar y defnyddiwr  
• Pam bod llawer i'w wneud o hyd o ran cynnwys gynhwysol yn 2024 a beth allem ni ei wneud i helpu 
• Tech er budd: bod yn Ymddiriedolwr Digidol i Elusen