Cwrs am ddim: Deallusrwydd Artiffisial ac Awtomeiddio ar gyfer Cynnydd Effeithiolrwydd

Eisiau arbrofi gydag AI ac Awtomeiddio gydag arbenigwyr digidol?

Mae gennym gyfle cyffrous i Sefydliad Trydydd Sector Cymru i ymuno â ni ar her cynllunio i archwilio sut y gall Deallusrwydd Artiffisial (AI) ac Awtomeiddio helpu eich sefydliad i arbed amser.

Byddem yn eich cefnogi i ymchwilio, profi a gwerthuso sut gall yr adnoddau arbed amser yma eich buddio chi.

Nodau  

• ​Yn darparu'r wybodaeth a'r sgiliau i gyfranogwyr roi datrysiadau digidol ar waith wrth ddilyn dull ystwyth sydd yn canolbwyntio ar y defnyddiwr.
• ​Hysbrydoli i gymryd mantais o ddulliau digidol i arbed amser a macsimeiddio'r effaith gymdeithasol. 

​

​Deilliannau dysgu 

​Yn ystod y cwrs, bydd cyfranogwyr yn

• ​Cael cyfle i ddatrys her go iawn mae eu sefydliad yn wynebu 
• ​Neilltuo amser a gofod i brofi ffyrdd newydd o weithio 
• ​Dysgu pethau newydd am eu heriau a'u hanghenion sefydliadol 
• ​Derbyn mentora ac arweiniad gan arbenigwyr digidol 
• ​Dysgu sut i weithredu adnoddau digidol yn effeithiol, gan ddilyn y broses Cynllunio Gwasanaeth 
• ​Arbrofi gydag adnoddau digidol newydd 
• ​Cael mynediad at adnoddau 

Anogir dau berson o bob sefydliad i fynychu'r cwrs (er nad yw'n hanfodol). Mae angen i bob person gofrestru'n unigol.

Strwythur y cwrs

​Dros yr 8 wythnos, bydd angen cadw tri dyddiad yn rhydd yn eich calendr. 

Cyfnod Darganfod

1. Gweminar Cyflwyno: 1 Hydref, 2 yb - 5 yp [AR-LEIN]

Mae'r cwrs yn digwydd dros 8 wythnos, gan gychwyn gyda gweminar hanner diwrnod ble bydd cyflwyniad i'r fethodoleg cynllunio gwasanaeth, sut mae'r broses yn edrych, a sut i ddeall eich anghenion digidol yn well.

Cewch bedair wythnos i gwblhau darn o ymchwil darganfod yn canolbwyntio ar ddeall ble gallech chi arbed amser. Awgrymir i chi ganiatáu 2-3 awr yr wythnos i gwblhau'r ymchwil yma.

2. Gweithdy Prototeipio:

• 30ain Hydref 9:30 yb - 4:30 yp, Caerfyrddin [WYNEB YN WYNEB]

​neu

• 31ain Hydref 9:30 yb - 4:30 yp, Caerdydd [WYNEB YN WYNEB]

Yn y gweithdy wyneb i wyneb rhyngweithiol yma, byddech yn cael eich tywys trwy weithgareddau i ddiffinio maes i ganolbwyntio arno ac archwilio ffyrdd y gall AI ac awtomeiddio arbed amser i chi. Byddech yn llunio cynllun o sut yr ewch ati i brofi eich syniad arbed amser a chasglu'r canlyniadau.

• Rydym wedi trefnu dau weithdy prototeipio i gyrraedd eich anghenion. Dim ond un o'r rhain sydd yn rhaid i chi fynychu. Penderfynwch pa ddyddiad sydd orau a pa ardal sydd yn haws i chi deithio yno. Bydd pob sesiwn yn union yr un peth, ond mewn lleoliadau gwahanol.

Byddem yn ad-dalu costau teithio. Cysylltwch â lucyp@promo.cymru i drefnu hyn yn dilyn y gweithdy prototeipio.

Cyfnod datblygu 

Bydd gennych bedair wythnos i brofi eich ateb a chasglu canlyniadau. 

3. Sesiwn cloi: 5ed Rhagfyr, 10yp - 12yb [AR-LEIN] 

• Ar ddiwedd yr wyth wythnos, byddwch yn cymryd rhan mewn gweminar i rannu’r hyn rydych wedi’i ddysgu drwy gydol y cwrs a byddwch yn dathlu’r hyn rydych wedi’i gyflawni. 

Tasgau hunan-astudio 

​Rhwng y sesiynau, byddwch yn cael eich arwain drwy gyfres o weithgareddau y gallwch eu cwblhau yn eich amser eich hun. 

​Rydyn ni’n argymell eich bod yn caniatáu 2-3 awr yr wythnos ar gyfer y cwrs. ​

​Cyfarfodydd mentora gyda hyfforddwyr 

​Byddech chi hefyd yn cael 2 (neu fwy os hoffech) cyfarfod mentor awr o hyd gyda'r hyfforddwyr i sicrhau eich bod chi ar y trywydd cywir ac i'ch cefnogi gyda'r prosiect. 

Ar gyfer pwy mae’r cwrs yma? 

​Mae’r cwrs yma ar gyfer sefydliadau trydydd sector sydd wedi’u lleoli yng Nghymru neu sy’n darparu gwasanaethau yng Nghymru.

​Anogir dau berson o bob sefydliad i fynychu'r cwrs, er nad yw'n hanfodol. Mae angen i bob person gofrestru'n unigol. 

Mae’r cwrs yma wedi'i anelu at sefydliadau sydd ar gychwyn eu siwrne AI. Nid oes angen profiad blaenorol o ddefnyddio AI, ond bydd rhaid i un aelod o'ch tîm fod â sgiliau digidol sylfaenol.

Bydd mudiadau sy'n cymryd rhan yn y cwrs hefyd yn gymwys i wneud cais am Gynllun Grantiau Bach Newid sy'n lansio ym mis Hydref. Byddwch yn gallu gwneud cais am grantiau rhwng £500 - £3000 i’ch helpu chi i ddatblygu digidol o fewn eich mudiad.